من كلام عبد الرحمان المجدوب

شافوني اكحل امغلف ...يحسبوني ما فيا اذخيرة
وأنا كالكتاب المألف... فيه منافع كثيرة

اكسبت في الدهر معزة ...وجبت اكلام ارباعي
هذا أعطاه ربي...وأيقول اعطاني اذراعي

الهم يستاهل الغم...والسترة ليه أمليحة
رد الجلدة على الجرح...تبرا واتولي اصحيحة

الصمت حكمة...ومنه تخرج الحكايم
لو ما انطق ولد اليمامة...ما ايجيه وليد الحنش هايم

عيطت عيطة احنينة...فيقت من كان نايم
ناضو قلوب المحنة...ورقدو قلوب البهايم

ما أزين النسا بضحكات...لو كان فيها أيدومو
الحوت أيعوم في الماء...وهما بلا ماء أيعومو

سوق النساء سوق مطيار...ياداخله رد بالك
ايورولك من الربح قنطار...وأيودرولك راس مالك

فاعل الخير أهنيه...بالفرح والشكر ديما
وفاعل الشر أخليه...فعله يرجعله ا غريمة

الارض فدان ربي...والخلق مجموع فيها
عزرين حصاد افيد...وامطامره في كل جيهة

أضربت كفي ألكفي ...وخممت في الدنيا ساعة
صبت قلة الشي أترشي...وأتنوض من الجماعة

لا يعجبك نوار الدفلى...في الواد داير أظلايل
ولا يعجبك زين طفلة...حتى اتشوف الفعايل

حيط الرمل لا تعليه... يعلى يرجع لساسه
ابن الغير لا تربيه... يكبر و يرجع لناسه
الخيل هبة من الريح... والبل هيالشريفة
البغال قرصة من الهند... والحمار هو العيفة

ألي يركب يركب أشهب... طرز الذهب في لجامه
ألي يدور يقول كلمة الحق... يدير هراوة في حزامه

أتخلطت و لابات تصفى..... وألعب خزها فوق ماها
رياس على غير مرتبة... هما سبب خلاها